Російскый премьєр Дмітрій Медведев убезпечів вчера председу словацькой влады Петра Пелеґрініго, же Словацька република може і надалей рахувати з Російов як зо сполягливым додавательом енерґетічных матерялів. Словацькый премьєр оцінив ґаранції російского представителя, же „енерґетічна безпечність СР не є ниякым способом огрожена і ани бы немала быти,“ конштатовав, причім підчеркнув ясный праґматічный приступ Медведевова. Як далі  словацькый премьєр повів, „Словакія мать і надалей інтерес на тім, абы взаємны односины з Російов были приятельскы і взаємно ся решпектували, так як ся то патрить на модерны країны 21. столітя.“ Днесь ся словацькый премьєр стрітнув і з презідентом Російской федерації Владіміром Путіном. (TASR, Пкф)