Факултный шпыталь з поліклініков Й.А. Реймана в Пряшові мать од четверя нового директора. До часу рядного выберового дїяня ся ним став Юрай Сматана. У функції нагородить Любоміра Шарнїка, котрого міністерка здравотництва Зузана Долінкова (Hlas-SD) з функції одкликала в середу. Новый директор мать три ключовы амбіції. ,, В першім шорї стабілізовати персоналну і економічну сітуацію в шпыталю, становити сі пріоріты в повязаню з розвитком і підвышованём якости додаваной здравотной старостливости а напрямити ся на тоты области, де бы сьме хотїли быти лідрами в рамках реґіону і спадовой области. Третёв областёв є сповнїня условій в рамках оптімалізації сїтї шпыталїв з максімалным вывжытём додатковых проґрамів так, жебы шпыталь наповнив проґрамовый профіл шпыталя ІІІ. уровни,“ выменовав.

(TASR, Шутіова)