В неділю 22-го марца навщівив парохію Млинарівці із філіалным селом Рівне пряшівскый ґрекокатолицькый архієпіскоп і митрополіта Йона Максим. Высокопреосявщеного Йону привітав адміністратор парохії Матуш Верба. По літурґії, котру одслужыв владыка, і на котрій тримав проповідь, мав голова Ґрекокатолицькой церькви на Словакії візітачный розговор із віруючіма в храмі. Пополідне владыка одслужыв у Рівнім Великопостный молебен. По молебени так само бісідовав у храмі з віруючіма, а дакотрых хворых парохії навщівив у їх обыстях. Почас цілого дня владыка мав слухаюче сердце меджі своїма віруючома, котрых із їх священиком хотів ліпше спознати і познати їх жывотны радости і трапліня. Владыка почав тогорічны оголошены візітації тыждень перед тым в Бехерові.

(Медвідь, ISPA)