SaS в понедільок до парламенту передложыла конштітучный закон о пензіях, котрыма хоче забезпечіти утримательность пензійной сістемы. Лідер лібералів і міністер господарьства Ріхард Сулик то выголосив на вчерашній пресконференції. Підкреслив, же влада ся ку тому обовязала у проґрамовім выголошіню, і вірить в договор через ціле спектрум в Народній раді. Пропозіція закона є подля лібералів компромісным рішіньом, котре выникло по конзултаціях із фаховцями. SaS наприклад роздумує зафіксовати великость другого пензійного стовпа односно першого і конштітучно обовязати молодых ку вступу до другого стовпа.

(Медвідь, TASR)