На Словакії ся натеперь незаведе інштітут партнерьского сполужытя. Посланці Народной рады СР днесь непосунули до другого чітаня пропозицію новелы Обчаньского законника з майстерні SaS. Пропозиція мала подля посланців SaS зліпшыти леґіслатіву в області маєтковых прав дотуляючіх ся особ жыючіх в сполочній домашности. Партнерске сполужыття мало быти можне подля пропозиції  завершыти меджі двома особами різного поглавя, як і меджі  особами єднакого поглавя. Апліковати пропонували оправнїня в хосен сполужыючіх партнерів в області дідіня, інформованости о здравотнім ставі, як і при нароку на ошетровне. (TASR, Pkf)