Шарішске Ястрабе Старолюбовнянского окресу  ся першый раз в історичных документах  споминать у 1435-ім року. Є правдов, же в єднотливых історічных періодах ся чісло його обывательства мінило, але на розділ од іншых сел нашого реґіону ся тото чісло фурт підвышувало. Інакше тому неє ани днесь. Староста села Шарішске Ястрабє Любомір Решетарь, тот позітівный факт высвітлює нелем тым, же ся в селі добрі жыє, бо є выбудована цала основна інфраштруктура  в селі, але і тым, же каждый хто може робити мать роботу. Як далі староста села Любомір Решетарь пояснює, „што ся тыкать нашой локаліты, дасть ся повісти, же  з боку од Старой Любовні, од Плавніці в напрямі на Пряшів патриме скорше до тых векшым сел нашого реґіону. Днесь в нашім селі жыє 1450 обывателів. Маме і Ромів, котрых в нашім селі є коло 40-45 процентів з цалковой популаці жытельства нашого села. І завдякы ромской комуніту  патриме ку тым селом нашого реґіону де ся чісло обывателів фурт підвышыє“. (пкф)