Кежмарьска радніця у четверь одовздала 18 новых наёмных бітів на Веілбурьскій 2. а 4. Ключі од бітів переважно родинам з дїтми а обчаном в злій бітовій сітуації одовздав пріматор Ян Ференчак. ,,Інтерес о наёмны біты в Кежмарку росне. Мали сьме веце як 130 жадателїв, но жаль, улагодити сьме знали лем 18 родинам,” увів. В новопоставленій бітовцї є ку діспозіції пять двойізбовых і тринадцять тройізбовых бітів, з того єден є про імобілного наёмцю. Посланцї містьского заступітельства на своїм септембровім рокованю схвалили наём в бітовім домі на добу трёх років, ёго вышка ся рушать од 80 до 135 евр в повязаню од подлаговой плохы бітів. Тота є од асі 40 до 68 метрів квадратных.

(Шутіова, TASR)