Председа Европской рады Шарлс Мішел і предсидателька Европской комісії Урсула фон дер Леєнова навщівлять 6-го апріля Турцію, жебы ся стрітити з турецькым презідентом Речепом Таїпом Ердоґаном. Інформовала о тім аґентура AFP. Лідры Унії на минулотыждновім саміті выголосили, же суть порихтованы укріпити співпрацу з Турційов, покля по минулорічнім звекшованю напруг Анкара вкаже, же сучасна деескалація їй односин з Бруселом буде мати тырвалый характер. Мішел і фон дер Леєнова вызвали Турцію, жебы ся стримала далшых провокацій. Покля бы Анкара вырішыла іншак, Унія схоснує вышыткы інштрументы і можности, котры має к діспозіції, пише ся у заключінях, на котрых ся договорили лідры Европской унії.

(Медвідь, TASR)