Америцькый презідент Йое Біден і німецька канцеларка Анґела Меркелова вызвали Росію, абы понижыла чісло своїх вояків на границях з Українов. Ознамила то канцеларія Меркеловой, з котрой выголошіня цітовала аґентура AFP. Обідвоє лідры ся в часі сполочной телефонічной дебаты згодли на тім, же пониженя чісла російскых вояків в даній області бы приспіло к ‟деескалації‟ напятя на російско-українскых границях.  Росія тырвать на тім, же к своїм западным границям выслало воєньскы силы лем в рамках тренованя а то з причін ‟загрожіня‟ з боку Североатлантічной аліанції. Біден у вівторок запропонував сумміт з російскым презідентом Владіміром Путіном. Москва дану понуку фурт зважує. (TASR, Pkf)