Од 18-го до 25-го януара проходить Тыждень молитв за єдность хрістіанів. В рамках нього в неділю 18-го януара в Базиліці Святого Креста в Кежмарку одбыла ся екуменічна побожность за участи Римокатолицькой церькви, Євангелицькой церькви а. в., і Ґрекокатолицькой церькви. Головным служытельом быв Высокопреосвященый владыка Йона Максим, пряшівскый архієпіскоп і митрополіта. В рамках побожности владыка Йона запалив свічку од пашкалу, котрый є знаком воскресшого Хріста, і наслідно од нього запалили свічкы вшыткы участны. Тым ґестом была выражена єдность хрістіанів у Хрістови, котрый є світлом світа і спаять вшыткых похрещеных до єдного общества.

(Медвідь, ISPA)