Народна крімінална аґентура од віторкового рана засягує в рамках акції Резервы на середній Словакії. В Жіліньскім і Баньскобыстріцькім краю выконує процесны роботы в повязаню з корупчнов карнов діялностьов в середовиску Справы штатных матеріалных резерв Словацькой републікы. Denník N інформовав, же НАКА засягує в рамках той акції і в домі бывшого шефа резерв Каєтана Кічуры, де має реалізовати домову переглядку. Тота має подля денника быти повязана з підозрінями з махінацій при верейнім обстараваню. НАКА іщі в марці зачала ex offo карный процес про медіалізованы інформації о похыблінях Справы штатных матеріалных резерв при обстаравню здравотницького матеріалу в повязаню з пандемійов і купліньом квартелів на Конветній уліці в Братіславі.

(Медвідь, TASR)