Ношіня охранной маскы має од віторка свої выняткы. Подля наряджіня головного гіґєніка Словацькой републікы Яна Мікаса ся заказує выходити і рушати ся вонка без закрытя вышнього устроєнства дыханя. Ніс і уста мусять быти перекрыти наприклад масков, хустков або іншыма средствами, котры боронять пошырьованю капочок, а то з вынятком дітей до двох років, особ з важныма порухами автістічного спектра, далше особ в запертім авті, покля суть вшыткы особы зо сполочного обыстя, шоферів публічного транспорту, котры суть самы в запертій кабіні одділено од остатнього простору, котрый служыть на транспорт особ, далше особ жыючіх в сполочнім обыстю, кедь суть в природі, покля є їх діштанція од іншых людей мінімално 20 метрів, особ нежыючіх в сполочнім обыстю при прогульці в природі, покля є їх взаємна діштанція мінімално 20 метрів. Нове нардяжіня є платне до одкликаня. Чеська влада ослободила автістічны особы од ношіня маскы минувшый тыждень, зато єднакый поступ на Словакії вітать.

(Медвідь, TASR)