x

40 тісяч людей в минувшім році пробовало ілеґално перейти польску граніцю

00

Польща почас минувшого року зареґістровала 40 тісяч проб о нелеґалне перекрочіня граніць з Білоросії, причім рік тому їх было лем 122. Інформовала о тім в понедільок польска гранічна сторож. Волна міґрантів до Польщі, але і до прибалтіцькых країн, зінтензівнила ся головно почас попередніх місяців на граніцях з Білоросійов по тім, што тамтешній вождь Александер Лукашенко в реакції на серію санкцій з боку Западу выголосив, же не буде боронити міґрантам з Близково выходу в поступаню до Европы. Европска унія обвинила Лукашенка, же міґрантів зохаблять докінця возити з крізовых областей на білоруськы граніці.

(Медвідь, TASR)