Председа коалічного Моста-Гід Бела Буґар одмітать пропонуваны соціалны опатріня і вышкі 1,2 міліярды евр. Нехоче затяжыти штатный бютжет і од коалічных партнерів очікує то саме. „Актуалный договор є, же то зреалізують,“ повів в недільняйшій дискусній релації RTVS O 5 minút 12. Председа опозичной SaS Ріхард Сулик ся выпадку в бютжеті небоїть, хоче зредуковати штатный апарат. Соціалны і даньовы пакункы за 1,2 міліярды неперейдуть за словами Буґара в ниякім припаді. „Мы як партія Мост-Гід маме 150 міліонів,“ повів Буґар на марґо сумы, котру може його партія перерозділити в предпокладаных опатрінях. Кажда коалічна партія мать за його словами к диспозиції ту саму суму, беручі до увагы высловы міністра фінанцій Ладіслава Каменіцкего, котрый опатріня одгаднув на 500 міліонів евр. (TASR, Пкф)