x

Од октобра може бівше молодых людей здобыти звыгоднену гіпотеку про молодых

00

Звыгоднену гіпотеку про молодых можуть од будучого місяця здобыти бівше людей. Максімалный прибутковый строп про єднотливця ся 1. октобра 2017 звышыть о 61 евр на 1227,20 евр. Єдным з условій про здобытя звыгодненой гіпотекы про молодых є і максімалный прибуток жадателя. Верьхна границя є законом становена на 1,3 насобку середнього плату в господарстві, котрый є в тім часі у вышкі 944 евр. Гіпотека про молодых є продукт, при котрім ся урокова такса понижує о 3 процентів. З того 2 процента дотує штат а 1 проценто банка. Вклад мож здобыти у вышкі найбівше 50 тісяч в перебігу першых 5 років сплачаня. Гіпотеку про молодых можыть здобыти люде од 18 до 35 років.
(Петро Кімак-Фейко)