Британія зачне завтра на людьох клінічні тестовати нову вакціну на коронавірус SARS-CoV-2, котру выробили одборници з Охфордской універзіты. Інформував о тім на вчерайшій пресконференції британьскый міністер здравотницьтва Матт Ганцоцк, пише справодайска станіця BBC. Ганцоцк підчеркнув, же найліпшый спосіб, як перемочі коронавірус, є при помочі діючой вакціны. Як далі повів, іде притім о методу „пробы і хыбы“, але Британія стоїть подля його слов „на челі ґлобалного снажіня“ і до выробы вакцінації інвестовала вецей фінанцій як іншы країны. (TASR, Pkf)