Універзітный шпыталь Луя Пастера (УШЛП) Кошіцї у четверь святочно одовздав до хоснованя зреконштруовану єднотку інтензівной і ресусцітачной старостливости на Неонатолоґічнім оддїлїню на Трієдї СНП. TASR о тім інформовала говоркыня шпыталю Моніка Крішкова. Цїлём проєкту была выміна електроіншталачной сїтї так, жебы взникло дость припойных місць до безпечной ізолованой суставы. Реконштрукція електроіншталації коштовала веце як 60.000 евр. УШЛП ю фінанцовав з властных жрідел. Як Крішкова уточнила, в рамках того зреалізовали і ставебны управы подлаг, плафонів ці освітлїня. Ставебны і столярьскы управы сі шпыталь забезпечів властныма робочіма капацітами.

(TASR, Шутіова)