Америцька компанія Pfizer у четверь ознамила, же за 5,3 міліарды доларів додать америцькій владї свій експеріменталный лїк проти захворїню COVID-19 Paxlovid в множстві хосновательнім на 10 міліонів лїчебных ціклів. Хоснованя лїку іщі мусять схвалити приналежны уряды, інформовала аґентура AFP. Предбежны резултаты клінічных тестів потвердили, же тот лїк може у паціентів з высокорізіковых ґруп понижати правдеподобность госпоталізації або смерти о скоро 90 процент в припадї, же є поданый протягом трёх дней од наступу сімптомів захворїня COVID-19.

(TASR, Шутіова)