Протіпандемічны опатріня мають быти строгішы, по засіданю кабінету влады СР повів то у вівторок Едуард Геґер. Ознамив тыж, же в наслідуючі три тыждні буде потрібне значні спріснити опатріня, абы ся зломила неґатівна кривка і стабілізувала сітуація в шпиталях. Представив тыж пропозиції конзілія на рішеня фурт згоршуючой ся епідеміолоґічной сітуації. О конкретній подобі єднотливых опатрінь мать влада вырішыти в часі днешнього дня. Геґер декларовав, же зо вшыткыма пропозиціями конзілія є згодный, єдночасно авізував, же як ся сітуація ані по зміні правил незліпшыть, будуть потрібны іщі твердшы крокы. (TASR, Pkf)