Словеньско потребує меншыновый закон управуючій і інштітуціоналне забезпечіня меншыновых прав. Мав бы зато взникнути новый уряд, респектіве міністерство про меншыны. На соціалній сїтї то увів уповномоченый влады СР про народностны меншыны Ласзло Буковсзкый, котрый ознамив, же ся на тім згоднув з председом влады СР Іґором Матовічом. ,,Вели сьме конштруктівну дебату о моїх компетенціях, о меншыновых правах і о леґіслатівных замірох влады,” увів Буковсзкый. Інформовав, же темов діскузії было і надходяче зрахованя жытелїв. ,,Панови премєрови єм в тім повязаню пропоновав, жебы перед зрахованём выслав позітівный сіґнал про меншыны, в котрім бы ся высловив за толерантне Словеньско, де ся меншыны не мусять бояти признати свою ідентіту,” ознамив уповномоченый.

(TASR, Шутіова)