x

Унія послала охранны маскы Северній Македонії і Чорній Горі

00

Европска унія загнала охранны маскы FFP2 до Северной Македонії і Чорной Горы. Подобну поміч передтым послала і до Італії, Іспанії а Хорватії, інформовала в понедільок Европска комісія. Найновіша поміч была реалізована в рамках сістемы rescEU, котра є частьов механізму Унії в области цівілной охороны. Северна Македонія і Чорна Гора вже минувшый тыждень дістали од Европской унії дезінфекчны препараты, рушникы, рукавиці і постільну білізну. Ішло о поміч, котру посередництвом механізму ЕУ забезпечіла Австрія. На механізмі окрім членьскых держав партіціпують і Великобрітанія, Чорна Гора, Ісландія, Норвеґія, Северна Македонія, Сербія а Турція. Резерву здравотницького выбавліня rescEU фінанцує Европска комісія.

(Медвідь, TASR)