x

Попрад хоче ся стати Европскым містом шпорту

00

Попрад буде ся уходити о тітул Европске місто шпорту  (EMŠ) про рік 2023. В середу, то значіть 4-го мая,  на своїм засіданю кандідатуру одобрили тамтешні посланці. О тітул ся можуть претендувати міста з чіслом обывателів од 25.000 до 499.999 обывателів. Завдякы проєкту ся може місто подля самосправы звидительнити, звышыти уровень шпортовой і рекреачной політикы міста, ділити ся зо скусеностями з іншыма, залучіти ся до різных ґрантів Европской унії ці поділяти ся на орґанізації різных конґресів. Радниця одгадує, же на приправу самой кандідатуры буде потрібне выналожыти скоро 20.000 евр. Асоціаціа европскых міст шпорту (ACES), котра каждорочні призначує тітул EMŠ, ся такым способом намагать о підпору шпорту меджі обывателями EÚ, особливо підпорує зневыгоднены ґрупы обывателів. (TASR, Пкф)