Філмовы зажыткы бігом юла і авґуста нукать навщівником Лїтнє кіно в Требішові. Выбраны філмы будуть промітати в амфітеатру містьского парку бігом суботнїх вечерів. Перше промітаня є наплановане на суботу 6.юла о 21.15 г., коли позерателї увідять америцьку комедію Vo veľkom štýle. В проґрамі суть дале філмы Magic Mike XXI, To, Zrodila sa hviezda, Súboj pohlaví, Po čom muži túžia a Debbina 8. ,,Бесплатне лїтнє промітаня філмів в амфітеатру містьского парку буде в становленых днёх аж до кінця лїта, коли ся одобють найвекшы містьскы славности- Днї міста Требішів, “ інформовала о тім TASR говоркыня міста Мартіна Міштанічова. В рамках Култуного лїта 2019 приготовило місто проґрам з музиков, танцём і дітьскыма представлїнями. Події будуть кажду недїлю в ареалі містьского парку. ( Шутіова,TASR)