Лідер серьбской православной церькви, патріарха Порфірій крітізував діяня Києва проти україньской православной церькви  (UPC), котра была донедавна підряджена патріярхату в Москві, і означив го за “штатный терор“. Як припомянула британьска станіца BBC, патріярха Порфірій ся поставив на оборону UPC у вівторок – день перед терміном, до котрого ся духовны і монахы UPC мають выстягувати з монашского комплексу Києвско-печерьска лавра в Києві. Україньске міністерство културы, котре мать на старости тот комплекс стародавніх храмів і славных пещерь, то значіть перед часом ознамило, же к 29-му марцю выповідать договор з  UPC о тырвалій аренді лавры. (TASR, Pkf)