Гранічна і чуджінецька поліція затримала в катастрі села Збой (окрес Снина) перeводника із міґрантами. Інформовала о тім поліція на соціалній сітї. Переводник ся в середу вечур снажыв через ліс перекрочіти шенґеньску граніцю довєдна з нелеґалныма міґрантами. Тоты походять з Афґаністану і Вєтнаму. Як уводить поліція, процесны уконы были з нима выконаваны і у четверь пополідне. Коло засягу сполупрацовали шандарї з мобілной засіговой части зо Собранець, оддїлїня гранічной котролї ПЗ Збой і народной части боя проти нелеґалній міґрації.

( Шутіова,TASR)