x

Владна страна ПіС удайно фінанцовала свою політіку з грошей харіты

00

Польскы опозічны законодарцове пожадали у четверь од владной страны Право і справедливость (ПіС) высвітлїня на основі шырїня справ, же єдна з єй реґіоналных страницкых орґанізації вывжывала дары про Червеный криж на фінанцованя своёй парламентной кампани. Денник Gazeta Wyborcza недавно написав, же грошы здобыты Червеным крижом з продая дарованого облечіня, были в роцї 2015 вывжыты на фінанцованя кампани кандідатів страны ПіС. Денник тыж цітовав неменованых свідків, подля котрых ся в кампани вывжыли і дарованы потравины. Тлачова аґентура АФП додала, же харітатівну орґанізацію Червеный криж мали в тім часі на старости політіці з ПіС. Mіністерку школства Анну Залевску будуть тыж выслуховати про обвинїня, же такым способом была фінанцована і єй кампань. Председа Европской рады і бывалый польскый премєр Доналд Туск повів, же кедь є то правда, тоты твержіня суть яснов укажков корупції меджі політічныма елітамі.  Політічны страны в Польщі мають заказано подникати або здобывати грошы з подниканя.

                                                                                                                                            (TASR, Шутіова)