Британьска премьєрка Тереза Мейова і председа Европской комісії Жан-Клод Юнкер мали наоснові властных слов „конштруктивну“ робочу стрічу і планують стрітнути ся знова перед кінцьом місяця з цільом оцінити покрок в дебатах о тзв. брехіті. В їх сполочнім выголошіню неспоминаються ниякы зміны у заключнім одходовім договору меджі британьсков владов і Европсков унійов. Говорили але о можных „алтернатівных опатрінях“ і змінах в спроваджаючій декларації. Мейова хоче досягнути ревізію, протоже британьскый парламент договор о одході Британії з Европской унії нехоче одобрити. (ТАSR, Пкф)