Од днешнього дня уж небуде повинне перекрытя уст і носа в екстерєрох ани у векшыні інтерєрів. Респіратор буде надале повинный про персонал і навщівників здравотницькых інштитуцій і інштитуцій соціалных служеб, пацєнтів в чекарнях у лікаря і заказників апатек. Выходить то з приказу Уряду верейного здравотницьтва СР. Выїмку будуть мати клєнты інштитуцій соціалных служеб і госпіталізуваны пацєнты, згодно робітници, котры ся находять на місці роботы осамочены. Выїмку будуть мати і діти до шість років, особы з важныма порухами автістічного спектра ці особы зо середнім і тяжкым менталным або слуховым гендікепом. Згодно ся повинність небуде односити ани на умелців при подаваню умелецького выкону. Выїмка ся односить і на інштитуції сполочного стравованя в часі потрібнім на конзумацію їдла ці напитків, навщівы wellness, природных і умелых купаліск.  (TASR, Pkf)