Папа Лев XIV ся в четвер у Ватікані стрітнув з главов україньской ґрекокатолицькой церькви, архієпископом Святославом Шевчуком. Ішло о єдну з першых авдієнцій нового понтіфіка. Шевчук папу позвав на навщіву Україны і оддав му список арештованых, котрых затримує Росія. Ватікан по авдієнції на позванку не одповів, увела пресаґентура AP. Під час недільной молитвы, і тыж під час авдієнції з путниками з церьквей выходного обряду того тыжня, Лев XIV. апеловав на скінчіня войны і выявив солідарность з україньскым людом. (TASR, Pkf)