Російскый презідент Владімір Путін не є на офіціалнім списку членів делеґації, котра мать днесь вести переговоры з україньскыма представителями в турецькім Істанбулі. Кремыль оголосив, же російску делеґацію поведе Владімір Медінскый.  Крім нього суть в делеґації далшы представителі міністерств загранічных діл і обороны, а так само експерты. Путін підписав список делеґації в середу. Переговоры міджі Російов і Українов в Істанбулі запропоновав шеф Кремля. Україньскый презідент Володимир Зеленьскый реаґовав, же прийде особно, і вызвав к тому Путіна. Можность участі залишив отворену тыж америцькый презідент Доналд Трамп, но Білый дом офіціално повідомив, же за США прийде делеґація на чолі з Марком Рубіом. (TASR, Pkf)