Булгарія в понедільок інформовала, же выгостила двох російскых діпломатів. Стало ся то пару днів по тім, што булгарьскы уряды розкрыли і затримали далшы особы підозрілы зо шпіонажи на благо Росії. Двом діпломатам дала Софія 72 годин на то, жебы опустили країну про їх актівіты незлучітельны з діпломатічным штатутом. Росія декларовала, же прийме одветны крокы, інформовала аґентура Іnterfax. Од октобра 2019-го року булгарьске Міністерство загранічных діл выгостило з країны вже шість російскых діпломатів, остатнього влони в децембрі. Вшыткы были підозрілы зо шпіонажи.

(Медвідь, TASR)