Днешній пожар в домі пензистів в місті Мшено в Стредочекім краю непережыв єден чоловік. Єдна санітарька потерпіла пораніня. Пожар ся подарило зліквідувати, інформувала Поліція Ческой републикы на Twitteri. Горіти зачало на найвышшім штоку штирїштокового будинку. На місце уж перед пятов годинов рано выразили вшыткы захранны часті, пише портал Tn.cz. З місця нещастя евакуовали цілково 74 людей. На місці дали лікарьску поміч  трьом особам. Пожар так само обмежыв громадный транспорт в місті. Покы причіна пожару іщі неє знама. (TASR, Pkf)