Французькый презідент Еммануел Макрон у віторок на пресконференції в Москві по понедільковій стрічі з російскым презідентом Владиміром Путіном, котра тырвала веце як пять годин повів, же діалоґ з Москвов є потрібным условієм про будованя міру в Европі. Інформовали о тім російска пресаґентура ТАСС і аґентура AFP. Росія є за словами Макрона европсков державов, і є треба співпрацовати з Російов на будованю будучности в Европі. Єдночасно підчеркнув, же діалоґ з Москвов є потрібный і при рішіню далшых важных цілосвітовых проблем. Франція має подля Макрона інтерес о добры білатералны односины з Російов. Путін по стрічі выголосив, же дакотры французькы пропозіції можуть творити основу про рушаня допереду в крізі коло Україны.

(Медвідь, TASR)