На далнічнім мості в Янові, котрого часть ся вчера звалила, ударив блеск. Увели то пару свідків, котрых цітовала на своїм інтернетовім сайті пресова аґентура АНСА. За доступныма інформаціями, котры принесла аґентура ТАСР, ся звалила аж 200-метрова часть моста, находжаюча ся 80 метрів над земльов. Італійскы уряды в реґіоні Ліґурія інформували, же чісло мертвых є 26. Шеф цівілной охороны Анджело Боррелі повів, же на мості было в часі його зваліня 30 аж 35 особных авт і три накладны машыны.