Імпозантнов воєньсков парадов у Варшаві ославила Поландія вчера день своїх озброєных сил. Презідент Андрей Дуда з той нагоды высловив желаня, абы были на території Поландії тырвало розмістнены америцькы войсковы часті, котры бы за його словами „одстрашыли каждого потенціоналного аґресора“. Дуда єдночасно авізував, же Поландія планує звышыти свої кошты на оборону на 2,5 процентів ДПГ, як то буде в його економічных можливостях. То є вецей, як пожадує днешній двойпроцентный обовязок країн НАТО, котрый уж Поландія сповнює.
(TASR)