Мадярьскый Уряд цівілной охраны понукнув Словінії потапачскый тім, черпадла, робочі строї і машыны протиповоднёвой охраны в рамках помочі в одстранёваню наслїдків поводней. Уряд то увів у четверь аґентурї МТІ,інформує справодайця TASR в Будапешту. Уряд цівілной охраны припомянув, же лїякы минулый вікенд в Словенії способили важны заплавы, по котрых зостали великы шкоды а котры принутили тісячі людей опустити свої домовы. ,, В тій сітуації Мадярьско понукло сусїднїй країнї 22- членный потапачскый тім выбавленый теренныма автами і човнами, шість высоковыконных черпадел з обслугуючім персоналом, два баґры, дві склапачі накладны авта, двох технічных експертів, мішкы з піском і машыны потребны на охрану перед поводнями.“ Понукана поміч буде выправлена по тім, як словіньскый бік ознамить, же ю акцептує, пише ся у выголошіню Уряду цівілной охраны.

(TASR, Шутіова)