Школы будуть отворены надале і в чорных окресах, котрых буде од понедїлька 18. октобра пять. Потвердив то по четверёвім рокованю влады міністер школства, наукы, баданя і шпорту СР Бранїслав Ґроглінґ (SaS). ,,Вшыткы школы про школярїв у вшыткых окресах суть все отворены. Заперати ся будуть лем на основі позітівных припадів індівідуално окремы класы,“ высвітлив міністер школства. Актуално ся в школах презенчно учіть 95,1 процента школярїв, ку віторку (12.10) ся учіло 4,9 процента діштанчным способом. Меджі чорны окресы будуть наслїдуючій тыждень зашорены окресы Бардеёв, Чадца, Кісуцке Нове Місто, Стара Любовня і окрес Свідник.

(TASR, Шутіова)