Бібліотекы в компетенції Пряшівского самосправного краю, котры суть про пандемію нового коронавірусу заперты, фунґують онлайн і готують про чітателів пару актівіт. Понукають квізы, творчі ділні, карентенны вызвы і чітаня наголос. Дакотры з них нукають выділены і выдезінфікованы тітулы своїм чітателям і репатріантам у выбраных карантенных інштітуціях в Пряшівскім краю як дарунок. Дакотры вырабляють охранны рушка і щіты про тых, котры то потребують. Аґентуру TASR о тім інформовала Івана Ондріова з одділіня комунікації і пропаґації Уряду ПСК. Штири реґіоналны бібліотекы – у Вранові над Топльов, в Бардейові, Попраді і у Свіднику, выділили про репатріантів скоро  300 книжок. (TASR, Pkf)