Шоферы, котры в найближшых місяцьох будуть переходити через горьскый переход Доновалы з баньскобыстріцького боку, мусять ся приріхтувати на значне транспортне обмеджіня і стриманя. Словацька справа драг (SSC) зачне на переломі юла і авґуста на дразі I/59 в напрямі од Банской Быстріці до Ружомберка реалізувати ставебны роботы на многых трасах споминаной драгы меджінародного значіня. Як інформував діректор Інвестичного будованя і справы драг Банска Быстріця SSC Мілош Кретг, же іде цілково о штирї ставбы в сумі коло 20 міліонів евр з еврофондів. Роботы будуть тырвати мінімалні до кінця того року. (TASR, Pkf)