У віторок засідав в братіславскім готелі Bôrik Выбор про народностны меншыны і етнічны ґрупы. Было то перше засіданя по вольбах членів выбору, і так ся членове выбору зышли в новім складі. За русиньску народностну меншыну зістали членами Петро Медвідь і Мілан Ян Піліп. Піліп быв у попереднім періоді і підпредседом выбору. У вольбах, котры проходили на віторковім засіданю, членове выбору зволили нового підпредседу, котрым став Ондрей Посс, председа Карппатонімецького общества, якого до волеб номіновала чеська і моравска народностна меншына. На засіданю одбыв ся і історічный момент, кедь на части їднаня брав участь і підпредседа Народной рады Словацькой републікы Ґабор Ґрендел. На засіданю проїднало ся дакілько тем, меджі котрыма было і приготовліня закона о поставліню народностных меншын ці фунґованя мешынового фонду.

(Mедвідь)