Помочов закона о бою проти бірокрації з року 2008 спустив Уряд підпредседу влады СР про інвестіції і інформатізацію дві масівны волны знижованя адміністратівной затяжі обчанів а актуално приготовлює третю. ,,Тот закон є о змінї парадіґмы. Мінить ся сістема, котра фунґовала десяткы років а нашы урядници на ню были звыкнуты. Выбавлёваня будьякой жадости значіло, же вшыткы потрібны потверджіня принесе обчан а кедь є то в порядку, урядник му дасть штемпель, “ повів в дізкузії на Tablet.TV підпредседа влады СР про інвестіції а інформатізацію Ріхард Раші. ,, Теперь робиме зміну котра ся дотулять 40.000 урядників. 40 000 людей учіме а кедь ся зробить хыба ідеме за нима, жебы то уж не жадали од обчана, але жебы сі потверджіня, котры суть в законї нашли сами, “ повів підпредседа влады. ,, Нашым цїлём є, жебы штат не робив з людей поштарів, котры сі мусять при выбавлёваню будьякого поволїня, жадости або рішїнь проблемы зганяти множество папірів і потверджінь, “ конштатовав Раші.

(Шутіова, TASR)