Передчасны парламентны вольбы в Сербії, котры одбыли ся в неділю, позначіло „нерівне змаганя“ з боку владной Сербской проґресівной партії, присутность презідента Александра Вучіча в кампани, необєктівность медій і купованя голосів, інформовали в понедільок в Белеграді позорователі з меджінародных орґанізацій, пише аґентура Reuters. На вольбы дозерали представителі делеґацій Орґанізації про безпечность і співпрацу в Европі, Уряду ОБСЕ про демократічны інштітуції і людьскы права, Парламентной асемблеї ОБСЕ, Парламентной асемблеї Рады Европы і Европского парламенту. Партія презідента Вучіча стала ясным переможцьом волеб і може створити владу без коаліції, кедьже має абсолутну векшыну в парламенті.

(Медвідь, TASR)