Членьскы країны Европской унії офіціално схвалили 12-ый паклик санкцій проти Росії з причіны войны на Україні. В понедільок о тім інформовала Рада Европской унії, пише аґентура DPA. Членове Унії на новім паклику санкцій добісідовали ся минувшый тыждень. Новы обмеджіня дотулюять ся довозу діамантів і ліпшого просаджованя цінового плафону Европской унії на російску ропу. Шеф европской діпломації Жосеп Боррелл у выголошіню повів, же Унія 12-ым пакликом санкцій передкладать „розсяглу колекцію новых списків і господарьскых кроків, котры іщі веце ослаблять російску войнову машынерію“.

(Медвідь, TASR)