Новому премєрови і владі ку выменованю своїм писмом заґратуловав в неділю 22-го марца і владыка Йоан Бабяк, ґрекокатолицькый архієпіскоп пряшівскый, метрополіта Словакії. „Стоїть перед вами нелегкый період боротьбы проти пандемії, што є першов задачов влады. Наслідно вас чекать рішіня далшых безодкладных проблем,“ пише метрополіта в писмі премєрови Матовічови. Бабяк в складных часах убезпечів нового премєра о духовній помочі, з котров може раховати од Ґрекокатолицькой церькви на Словакії. „Проти пандемії коронавірусу будете бойовати людьскыма силами і вшыткыма людьскы доступныма средствами. Но за Ґрекокатолицьку церьков вас убезпечую і о духовній помочі, котру будете потребовати. Допроваджаме вас своїма молитвами, жертвами і постом,“ написав владыка Йоан премєрови.

(Медвідь)