Цалково 119 репатріянтів з Лондина прийшло в часі вікенду до Бардійовскых купелів, до Купельно-лічебного інштітуту Дружба. Абсолвують там двойтыждньову карантену повязану з обявліньом нового коронавірусу. Як інформує місто Бардійов на своїм інтернетовім сайті, привезли їх три автобусы і суть з цілой Словакії. Векшынов суть то жены і дівчата, многы з них суть штудентами, котры были у Великій Британії в рамках розшырёваня свойой освіты через проєкт Erasmus, але суть меджі нима і опатрователькы. Персонал іштитуту, котрый буде забезпечувати обслужны роботы, бы з нима немав прийти до контакту ани в часі выдаваня їдла. На пятый день карантены у репатріянтів бы ся мали зачати одоберати взоркы на притомність нового корановірусу, котрый запричінює захворіня COVID-19. Купельно-лічебный інштітут Дружба патрить меджі інштитуції Міністерства внутра СР і за словами його діректора Мартіна Тарцалу є достаточно персоналні і технічні забезпеченый на то, абы з данов сітуаційов собі дали рады. (TASR, Pkf)