x

Резорт хоче платы здравотників підвышыти так, жебы конкуровали загранічу

00

Платы здравотників бы ся в будучім року могли підвышыти так, жебы словацьке здравотництво могло конкуровати інакшым країнам. Тыж бы ся мав зась за даякых условій завести приплаток за роботу на COVID оддїлїнях. У четверь то ознамив міністер здравотництва Владїмір Ленґварьскый (номінант OĽANO). Шеф резорту здравотництва авізовав, же аналізу платів здравотників в околїшнїх країнах принесуть в короткім часї. Вірить, же ся так вырїшить вопрос способности конкуровати інакшым країнам а забранить ся так тому, жебы одходжали здравотницкы робітницї. Зарівно подяковав заступцём здравотників за їх постой у вопросі розрахунку, але і Міністерству фінанцій СР і владї за похоплїня пожадавок на стабілізацію персоналу. ,,Договорили сьме ся з паном премєром і міністром фінанцій, же од часу, кедь кількость паціентів в шпыталях перекрочіть 1000, зачнуть быти здравотникам на COVID оддїлїнях выплачаны сімевровы приплаткы,“ доповнив.

(TASR, Шутіова)