Воздушны силы Кітаю і Тайланду в неділю зачали сполочны воєньскы маневры. Інформацію принесла аґентура AFP. Тоты маневры проходять на севері Тайланду і потырвають до 25-го авґуста. Кітай на них загнав літакы, бомбардеры і десантників. Маневры мають обсяговати підпору із воздуху, атакы на цілі на землі і розмістньованя вояків. Кітай недавно робив маневры в Тайваньскім проливі, што была реакція на навщіву предсидателькы Сеймовні репрезентантів Конґресу США Ненсы Пелосіовой на Тайвані. Споєны штаты і їх союзници суть знепокоєны наростаньом воєньскых актівностей Кітаю в азійско-паціфічнім реґіоні, припоминать аґентура AFP.

(Медвідь, TASR)