Роботы на обнові граду Красна Горка одштартують в другім марцовім тыждню. На четверёвій тисковій конференції то ознамив ґенералный директор Словеньскогo народного музея Бранїслав Паніс. Комплексна обнова граду, котрый 10. марца 2012 горїв, бы мала быти готова до кінця рока 2023. ,,Дакотры части конштрукції требало по пожарі очістити а наслїдно охабити і рік одстояти, покы будуть мочі быти зачаты реконштрукчны роботы,“ высвітлив Роберт Ерделі з проєкчного оддїлїня Ґенералного директорства СНМ. Цїлём обновы є достати град до первістной подобы із зачатку 20. стороча. При оправі планує СНМ вывжыти єднакы матеріалы і поступы, котры были вывжыты при самій ставбі граду.

(KORZÁR, Шутіова)