Общій выслух кандідатів о місце уставного судцю одбывать ся якраз днесь і завтра в історічнім будинку Народной рады СР на Жупній площадкі в Братіславі. Одобрив то устаноправный парламентный выбор. До дальшой вольбы кандідатів є приголосеных 25 кандідатів, троє з них ся приголосили по першый раз. Членове выбору будуть выслуховати кандідатів по третій раз. Днесь мають выслухати 13 кандідатів а в пятницу 3. мая дванастьох. Вольба кандідатів на уставных судців ся мать одбыти на засіданю парламенту, котре ся зачне 9. мая.