Обывателі німецького главного міста Берлін ся од середы 31-го марця будуть мусіти при вступі до многых обходів преуказати неґатівным тестом на захворіня  COVID-19, інформувала о тім аґентура DPA. Тота повинність ся неодносить на супермаркеты, апатекы і дроґерії, повів староста Берліна Міхаел Муллер в суботу по їднаню містьского заступітельства. Вшыткы превадзкы в області малообходу, котры ся на зачатку місяця в рамках увольніня локдавну в країні знову отворили, можу остати одкрыты. Заказници ся шак будуть мусіти при вступі преуказати неґатівным тестом. Так само можуть остати отворены і музеа і превадзкы, котры понукають службы, при котрых доходить к близькому контакту особ. Тыж є шак потрібный неґатівный тест. (TASR, Pkf)